ازيك يا عصام, انت مش فاكرني وللا إيه! أنا بتاع الـ Native Ads روح راجع علي المقال علشان تفتكرني كويس.
اتكلمنا في مقال الـ Native Ads عن النوع ده من الإعلانات وعن أهميتها وعن اللي بيميزها وكيفية تطبيقها كمان… واتكلمنا كمان عن كونها بتركز علي المحتوي Content وكل ما كان قيم كل ما زادت نسبة نجاح الـ Ad بشكل كبير.
طبعاً انت خايف تكتب مقال ضعيف متعرفش تراعي فيه القيمة Value والمحتوي والـ Trick اللي تربط المقال ده بالمنتج Product أو الخدمة Service اللي بتقدمها, صح؟ صح. ودي حاجة تفوت عليا بردو!!!
أنا هنا المرة دي علشان أقولك وأعلمك خطوة بخطوة ازاي تكتب مقال تسويقي ناجح كامل متكامل بالعفش والفرش.
من أول العنوان Title لحد الـ Call To Action اللي في الـ Footer وختام المقال. طب بذمتك هتلاقي زيي فين هاه!
ركز معايا بقا علشان هكلمك في المقال ده عن حاجات مهمة جداً:
يعني إيه مقال تسويقي Article Marketing؟
إيه هي أجزاء المقال التسويقي الأساسية؟
خطوات كتابة المقال التسويقي
استغلال المقال ده للترويج للمنتج أو الخدمة بتاعتك (الخطوة دي جدعنة مني كده)
تعالي أقولك يعني إيه مقال تسويقي وليه هو بالأهمية دي…
المقالات التسويقية Article Marketing هي أفضل طرق التسويق اللي موجودة علي الساحة دلوقتي قاعدة كده ومتربعة.
بتقدر من خلال المقالات دي إنك تكتب عن الـ Product أو الـ Service اللي بتقدمهم أو تكتب عن حاجة ليها علاقة بيهم, وفي آخر المقال بيكون في Link المنتج أو الخدمة علشان القارئ يقدر يشتريها ويستفاد منها وبعدين تنزل الـ Article ده في الـ Articles Directory المناسب ليه. –هكلمك في الآخر عن المواقع دي-
ميزة المقالات دي هي نفسها ميزة الـ Native Ads (واوعي تكون نسيتها علشان مزعلكش)
ببساطة مقالك هيروح للناس اللي مهتمة بالمنتج بتاعك وبتدور عليه كمان, تقوم انت ظاهرلهم بالمقال بطريقة لطيفة علشان تقدملهم معلومات Info وقيم Values مجانية تساعدهم وتجاوب علي أسئلتهم وفي الآخر وبطريقة غير مباشرة بتقولهم إنك بتوفر الحاجة دي ويقدروا يحصلوا عليها بكل سهولة من خلال لينك في آخر الـ Article . طبعاً الصورة دي هتساعدك في جذب زوار كتير للـ Website أو الـ Landing Page بتاعتك بشكل كبير جداً وبالتالي مبيعاتك هتزيد.
طب انت هتعمل كده ازاي؟ يعني ازاي هتصيغ الـ Article بطريقة تخلي القارئ مشدود ومهتم ومتحمس وعنده استعداد فعلاً يثق فيك ويشتري منك؟
هجاوبك علي السؤال ده علي جزئين. الاول لازم أعرفك شكل المقال بيبقي عامل ازاي…
الـ Marketing Article السليم بيتكون من 4 أجزاء أساسية وهي:
العنوان Title
المقدمة Presentation
الهيكل Body
الخاتمة Ending
الطلب Call To Action
متتخضش كده واحدة واحدة وهتفهم كل حاجة…
العنوان Title: وده أهم جزء في مقالك… مش في حكمة قديمة بتقول (لا تحكم علي الكتاب من غلافه)؟
جمهورنا بقا بيقول هي حكمة تحترم وكل حاجة بس أنا مش هحترمها! آه زمبقولك كده. احنا ماشيين بمبدأ (الجواب يبان من عنوانه). فنقي عنوانك بالشوكة والسكينة زلازم يكون بيعبر بجد عن محتوي المقال بأسلوب مختصر ومفيد وشيق وجذاب.
تعالي أوريك مثال حي صاحي وبيلعب
(اللكلوك المصنوع من الصوف له عدة طرق للاستخدام) ❌
(5 طرق ذكية لارتداء اللكلوك الصوف) ✔️
شفت الفرق؟ آه يا لئيم.
المقدمة: متقلش أهمية عن العنوان, لأنها هي اللي بتقول للقارئ انت هتكلمه عن إيه في السطور الجاية.
يعني لازم تكتب مقدمة قوية وجذابة تفهم عميلك انت بتكتب الـ Article ده ليه وهتفيده بإيه وتوضحله إن الـ Content قوي ومفيد و (حصري Exclusive) مش أي كلام متعاد وخلاص, محدش هيضيع وقته علي قراءة مقال تقليدي شاف منه كتير…وللا إيه!
وعلشان أنا سقا هقولك تعمل كده ازاي… في كذا طريقة تخلي بيها مقدمة مقالك جذابة زي مثلاً إنك تبدأها بسؤال شائع عند الـ Audience بتاعك “FAQ أو جملة مشهورة في المجال اللي بتكتب عنه… المهم تركز في مقدمتك إنك تخرج عن المألوف مرصش كلام وخلاص.
الهيكل \ الجسم Body: وده بقا المقال نفسه الـ Main Content يا معلم ده اللي فيه المفيد كله.
ده الوعد اللي وعدته للناس في المقدمة.. ده الرسالة اللي عاوز توصلها لكل واحد بيقرأ الـ Article.. يعني تمسك الشوكة والسكينة تاني وتيجي معايا..
الجزء ده لازم يحتوي علي كلام مفيد وجديد ومهم.. ماتنساش إن الناس بتقرأ مقالك علشان يستفيدوا بمعلومات جديدة أو يلاقوا إجابات عن أسئلتهم. وفي نفس الوقت الناس مبتحبش الأسلوب الإتم الرخم الرسمي صرف, لأ خليك لذيذ كده يا عصام واحلق شنبك علشان الناس متزهقش منك.
وحاول علي قد ما تقدر تخلي الزتونة في آخر الطبق. يعني إيه؟ يعني الناس لو لاقت اللي بتدور عليه في أول الـ Article هيقفلوه ويمشوا ما خلاص خد اللي عايزه منك يا مسكين! علشان كده خلي مقالك ممتع وجذاب وسيب أهم حاجة في نهايته علشان الناس يكملوه لآخره ومجهودك ميروحش عالفاضي.
الخاتمة Ending: هنا بقا هتلخص اللي عرضته في الـ Body وتفكر الناس بأهم النقط اللي أفدتهم بيها
وتعرفهم إنهم خدوا قيمة دسمة Big Value ومميزة بقرائتهم لمقالك, ومافيش مانع تشكرهم علي قرائتهم للـ Article واهتمامهم بيه (بس أنا مش هشكرك لأ).
للأسف في ناس كتير بتهمل الجزء ده وبتقلل من أهميته ومايعرفةش إنهم بكده بيضيعوا علي نفسهم حاجات كتير منها قلب موازين الـ Article نفسه! آه والله. يعني ممكن واحد كتب Content ضعيف في الـ Body بس جه في الـ Ending وقفلها صح وفكر الناس باللي كتبه ولخص المفيد وداهم الزتونة الطازة وبكده خرج القارئ من المقال وهو مقتنع إنه قرأ محتوي قوي ومفيد!
الطلب CTAأو الـ Call To Action: ودي خطوة زيادة وأخيرة وضرورية ومصيرية للمقال التسويقي.
الخطوة دي ماينفعش تنساها علشان لو نسيتها هتضيع علي نفسك كل اللي عملته فوق.. هتبقي بعت ببلاش.. ببلااااااااش يا عصااااااااااام!!!!!!
يعني إيه تكتب مقال تسويقي الغرض منه التنويه او التعريف بمنتجك أو خدمتك من غير ما تشاور عليها وتقول اهي عندي أهي؟! رد عليا ازاي!!
في آخر مقالك لازم تـ Link الـ Product أو الـ Service بتاعتك في نهاية المقال خالص وتبقي دي آخر حاجة فيه علشان تكون قدمت الإجابة والمعلومة للقارئ وفي نفس الوقت قدملته الحل الفعلي وتقوله إنك وفرت عليه مشقة البحث واحتمالية الخطأ وتضييع المجهود ووو…. وتقوله إنه يقدر يحصل علي اللي بيدور عليه والحل لمشاكله من خلال اللينك ده (اللي هو لينك الـ Website أو الـ Landing Page بتاعتك ويستحسن تخلي اللينك ينقله مباشرة للمنتج المحدد اللي بيدور عليه).
أنا كده قلتلك ازاي تكتب Article بشكل مترتب ومتوزع صح بالخطوات وده هيوفرلك وقت كبير وهيساعدك تحدد أفكارك وتصيغها بشكل سليم.
بس أنا بردو لسىة عندي حاجات أكتر أقدر أساعدك بيها وأسهل عليك أكتر كتابة موضوعك وتخليه ينجح وينتسر ويظهر أكتر لأكبر عدد من المهتمين Target Audience. وعد الجمايل…
خلصنا من الجزء التقني من مقالنا وجه وقت الفن, جاهز؟ يللا نبدأ…
هقولك علي 8 خطوات تساعدك في كتابة الـ Article Marketing بسهولة:
علشان نقدر نقول إن مقالك ناجح مش هنبص بس للجانب التقني الخاص بتقسيمة المقال.. لازم نشوف الجزء الفني والإبداعي ومقصدش الـ Content نفسه لأ (لأن دي حاجة مفروغ منها) أنا هكلمك عن الـ Tips اللي تخلي الـ Audience بتاعك يهتم بجد بمقالك وكمان تخلي Google يعترف بيه ويخليه يتصدر محركات البحث Search Engine واوعي تكون سبت الشوكة السكينة من إيدك….
حدد هدفك Goal: الـ Article مش غاية ووسيلة! انت قبل ما تكتب مش هقولك تكتب إيه. لأ, هقولك بتكتب ليه؟
عايز توصل لإيه من الـ Article بتاعك؟ عايز تعبر عن غيه؟ تروج لإيه؟ هتعرف عن الـ Product أو الـ Service بتاعتك وتعمل مقارنة وتتكلم عن مميزات وعيوب وتكتب نصايح لاستخدام الـ Product أو فوائد الـ Service اللي بتقدمها….
وللا عايز تزود المبيعات فتقدم كل المعلومات الخاصة باللي بتقدمه وتتكلم عن ميزتك التنافسية؟
وللا مثلاً عايز تعمل Branding وتتكلم عن نفسك؟
افتكر إنه (لكل مقام مقال) وقبل ما تكتب لازم تعمل Brain Storming وتحدد بالظبط إنت هتكتب (ليه) وابعد الأفكار اللي بتنط في النص دي وحطها في ورقة علي جمب وابقي اكتب عنها بعدين بس اوعي تشتت نفسك وتدخل الأمور في بعضها.
حدد جمهورك Audience: عرفت هتكتب ليه؟ طب هتكتب لمين؟
(مين) دي مهمة جداً دي بتعبر عن اللي هيقرأ الـ Content بتاعك وهيتفاعل مع الـ Call To Action وهيحقق الـ Goal بتاعك. يبقي لازم تتعرف عليه كويس, وتعرف هو بيتواجد فين علي أنهي Platform وبيفضل إيه والـ Interests بتاعته وثقافته ونوعية نشاطاته Activities كويس أوي علشان دي اللي هتحددلك إنت هتكتب (إيه) و ازاي!
حدد الـ Content: أنا صحيح قلتلك إني مش هتكلم عن الـ Content لأنه حاجة مفروغ منها,
بس أنا مش هنا علشان أقولك اكتب محتوي مفيد وبس لأ أنا هقولك ازاي تكتب وتختار محتوي مفيد. قلتلك فوق (ليه) و (مين) تعالي هنا أقولك (إيه)… حط في اعتبارك إنك تختار موضوعك علي أساس المعلومات اللي الناس محتاجة تعرفها مش اللي انت شايف إنها ضرورية! متكتبش علشان تعمل ترافيك وخلاص ولا علشان تزود عدد الـ Articles عالفاضي, لأن اللي بيقرأ Content مفيد عند حد بياخد الحد ده سواء كان Website أو Page كـ Source ليه بعد كده ومرجع لأي معلومة محتاج يعرفها في مجاله. فمتضيعش Value مهمة زي دي من إيدك وقدم لجمهورك اللي محتاج يعرفه.
حدد أسئلة جمهورك: الأسئلة دي هتوصلها وانت بتدرس وبتحدد الـ Audience بتاعك وهتقدر تعرف هو بيسأل عن إيه.
انت بقا لازم تستغل الأسئلة دي وتجاوب عليها في الـ Article علشان تقدم الحلول اللي الجمهور محتاجها. وميضرش يعني لو استغليتها في الـ Title نفسه… يعني مثلاً تقولهم (كيف بدأ اللكلوك | دليلك الشامل لتاريخ اللكلوك) هيتشد جمهورك لمعرفة الإجابة علي السؤال الوجودي اللي ياما حيره!
كلم الراجل يا عصام: اعتمد صيغة المخاطب في مقالاتك طالما مش هتضرك في حاجة يعني.
كلم الـ Audience كأنه فرد بعينه وقاعدين بتردشوا Face 2 Face في قعدة Friendly كده ولطيفة, مهو انت مش بتشرح نظرية التصادم يعني! حتي النظريات المعقدة دلوقتي بتتشرح بأسلوب Fun مليان تشبيهات وتعبيرات مجازية خفيفة تقلل من حدة وتقل الموضوع وتسهل علي المتلقي الفهم. فبلاش تعقدها يا عصام.
حدد الـ Keywords: علشان عم Google يقتنع بالـ Article بتاعك ويصدك إنه Related باللي الـ User بيدور عليه لازم يشوف إن الكلمات اللي انت مستخدمها متوافقة بشكل كبير مع الـ Search اللي الشخص ده عمله.
وده مش بيبان من مجرد الـ Title بس… Google ناصح! عارف الناس اللي يتكتب عنوان فيه Keywords للحاجات اللي الناس بتدور عليها ولما يفتحوا الـ Article ميلاقوش ليه أي علاقة بالعنوان! حركة مستفزر بصراحة هدفها زيادة الترافيك وخلاص. وعلشان Google يمنعها قدر المستطاع عمل حاجات كتيرة منها إنه يـ Check الـ Keywords اللي مودجودة في الـ Article نفسه ويقيم أد إيه هي متوافقة مع عملية البحث.والعملية دي بتبان أكتر بالمدة اللي قضضاها الـ User علي موقعك أحياناً لأنها بتدل علي إنه لاقي المحتوي المفيد اللي بيدور عليه وفعلاً بيجاوب علي أسئلته.
في الخطوة دي حط في اعتبارك خوارزميات جوجل وتجربة المستخدم User Experience.
حدد العناصر: بلاش جو الخلطبيطة بالصلصة ده بالله عليك!
نظم مقالك صح مش بس في تقسيمته لا في تقسيمة الـ Body كمان, الـ Content مينفعش يكون سايح في بعضه كده والناس تمل منه ومتبقاش عارفة مين بيوجي علي فين.
اعمل عناصر توضح اللي هيتكتب تحتها هيتكلم عن إيه كأنها الأفكار الرئيسية اللي هيطلع منها الكلمات الإبداعية أو المعلومات. ده هيساعد القارئ علي فهم الـ Article بشكل سليم ويقدر يتفاعل معاه صح ويكمله للأخر.
متستعجلش: “راجع كويس قبل ما تسلم ورقتك” دي نصيحة مهمة بيلتزم بيها التلميذ الشاطر.
مش معني إنك عملت كل النقط اللي فوق دي صح تروح بقا لاطع الـ Article في وش الـ Audience علي طول كده.
في Trick علي أد بساطتها علي أد فاعليتها. وهي إنك ببساطة بعد ما تخلص الـ Article تسيبه يومين كده وتنساه وبعدين ترجع تقرأه تاني… الحركة دي هتوريك حاجات كتير أوي مكنتش شايفها وانت بتكتب المقال ومندمج معاه. لازم تفصل علشان تشوف بعين فايقة ورايقة وتقيم مقالك صح وتعدل فيه بالمطلوب.
باركوا لاخوكوا ابو جبل:
خلاص يا عصام.. دلوقتي تقدر تكتب مقال تسويقي ناجح Article Marketing وتشتغل بيه Native Ads وتحقق أهدافك.
بس بفكرك بقيمة الـ Research لشغلك ونجاحك.. اكتب مقال قوي مفيد و (أصلي) لأن زي ما Google عايز يقدم للـ Users محتوي قوي ومهم بردو عاوز يقدملهم محتوي جديد مش منسوخ Original Content.
وكمان بفكرك إنك متستعجلش حتي أثناء كتابة الـ Article… لأن الـ Strong Article في أوقات كتير بيحتاج أيام وأسابيع علشان يجهز ويكمل بصورته المثالية اللي تأهله للنجاح بجد. فخد وقتك في الـ Research وكل ما كانت معلوماتك أكتر كل ما تقدر تقدم Value أكبر.
احنا حقيقي فخورين بيك ومستنيينك تطبق الخطوات والنصايح دي وتنقلنا تجربتك وخبرتك ومافيش مانع تقترح علينا مواضيع نقدر نساعدك فيها.
